الرئيسية
من طرف حياتي الغربية الأربعاء أبريل 07, 2010 4:51 am
سؤال!!!
ياترى ايه اللي ممكن يحلي حياتك؟؟
او بمعنى تاني يخلي حياتك حلوة وليها مذاق خاص!!
اعتقد ان كلنا
حياتنا بتحلى.. باللمه والعزوه
بتحلى .. لما يكون ليك ضهر تتسند عليه لو مالت الدنيا فى يوم عليك
بتحلى .. لما تحس الامان ..اللي اصله نبع الاهتمام والحنان
بتحلى .. لما تدوق طعم الحب ...وخاصة لما يكون من قلوب اصل حبهم قلبك اللي ارتوا من حبه زمان
بتحلى .. بحضن دافي ..بكلمه حلوه فى ليلة شتا
بتحلى .. بورده اتزرعت عالكف عليها امضاء ابن بار او زوج محب للوفا
بتحلى ..لما تشوف الضي اللي فى عنيك مرآيه بتعكس نور كل اللي حوليك
بس تخيل معايا لو فجأة النور انضفى
لو كل شيئ حلو ف حياتك اختفى
هتحس بإيه !!!!
اكيد هتحس بمرارة
احساس الفاقد كل شيئ بعدما كان يملك كل شيئ
يمكن متقدرش تحس ده
لان دي مش حياتك
لكن حياة غيرك كتيييييييير
عايشين ومش عايشين
ده تقرييبآ حال امهاتنا ف دار المسنين
اللي احنا جايين النهارده مع حياتي الغربيه عشانهم
عشان نوفي بكلمتنا تجاهم
""لو اتخلى عنهم اقرب ماليهم ..احنا جنبهم هنشد آزرهم ..ونحاول نعيد تاني ولو جزء ضئيل م الحياة ليهم""
يلا بينا نجدد نيتنا ونخلى قلوبنا تسبق خطوينا لعند اجمل امهات لينا
هنستناكوا ان شاء الله ف زيارتنا الجديدة لدار المسنين ..
اوعوا يفوتكوا تسعدوا قلب ده أثره ف النفس كبيير وثوابه عند ربنا ماله حدود
واي استفسار بإذن الله ع الميل الخاص بالفريق
