يوم السعادة .... يوم الفرح

انت مش لوحدك كلنا هنا بنحبك والنهارده جايين ليك
بنقولك احنا جنبك حاسين بالى فى قلبك
امسح دمعت عنيك



اظن ان ده كان احساس كل حد شارك فى يوم اليتيم
مش عارفه ما شاء الله الناس كانت كتير مشاركه معانا فى اليوم ده
والفرحه فى عنيهم متتقدرش وهما بيحاولوا يدخلوا بسمه للاطفال دول


اتجمعنا حسب المعاد وروحنا على المكان الى كنا متفقين عليه


دار الشابات المسلمات


وبدأنا يومنا مع الاطفال
كان وقتها فقره للساحر
مستر جو
الى بدأ كلامه بان النهارده يوم السعاده والفرح مش يوم اليتيم
وبدأ ببسم الله وبدأ شغله
الى بجد امتعنا جداااااااااا



ندخل بعد كده على فكره الاراجوز الى بدأ يقول معلومات للبنات على هيئه مسلسل بيمثله
وطبعا الضحك مش عايزه اقولكم كان مالى المكان
وكنا بنضحك اكتر من الاطفال


وبدأنا فى نفخ البلالين ونرميها على الاطفال فى الوقت ده
ونطيرها فى الهوا عليهم




ووزعنا عليهم وشوش يلبسوها
علشان يبقوا زى العرايس الى كانت بتلعب معاهم



الى اخدوا منى كيس من البلونات واعدوا ينفخوها معانا
ويرموها فى الهوا على البنات



وطبعا البنات كالعاده نفسكوا فى ايه
مفيش شكرا
طيب علشان خاطرى عايزين ايه
لا لا مفيش بجد
وفين لحد ما قدرنا ناخد منهم معلومات على الحاجات الى نفسهم فيها
علشان تبقى معانا المره الى جايه



ومش عايزه اقولكم احنا سحنا اد ايه من الشمس
الى كانت ماليه المكان
ومشاركانا يومنا



وانتظروا الفديوهات والصور
لان اى كلام مش حيعبر عن اليوم ده
الى روحنا منها ومعانا قوه تكفينا نكمل شغلنا
انتظروا المشاركه القادمه